Oion, Ohar Historikoak.
Oiongo historian, hiriko aramarri heraldikoan irudikatuta dauden zenbait gertakizun garrantzitsu nabarmentzekoak dira. Honakoak dira:
- Oionek luzez iraun zuela Guardia hiriko eskualde menpeko gisa, Nafarroako Erregeen agindupean (923-1461).
- Oiondenbora luzeagoz izan zen oraindik Iruñeko –edo Naxerako- Eliz barrutiaren menpe (923-1862).
- 1366an Guardiako eskualde independente gisa agertzen da, senidetasun horretako partaide izan baitzen, urte hartan egindako Nafarroako herrien lur-neurketan.
- 1486an, Guardiako Udalaren parte zela, Oion Arabako Senidetasunarekin lotu zen.
- 1634an, Felipe IV.aren errege-pribilegio bati esker, Guardiatik bereizi eta Herri bihurtu zen.
- Mugarri izan zen Donejakue Bidearen lehenengo ibilbidean, 1095. urtera arte behintzat.
1992ko urtarrilaren 20an, Eusko Jaurlaritzan hala erabakita, herriak OYON-OION izena hartu zuen ofizialki.